Liverpooli dhe Chelsea kanë barazuar 1 me 1 në derbin e zhvilluar të xhiros së 13-të të Premierligës.

Trajneri gjerman i Liverpoolit, Jurgen Klopp befasoi me formacionin e tij pasi kishte lënë në bankë dyshen Saido Mane dhe Robert Firmino duke startuar me Sturrigde dhe Ox-Chamberlain, shkruan arbresh.info.

Antonio Conte kishte bërë vetëm dy ndryshime në formacionin e tij duke startuar me Drinkwater, Kante dhe Bakoyako në mesfushë ndërsa Fabregas në bankën rezerv.

Pjesa e parë ishte e zbehur me raste për shënim pasi të dy skuadrat kishin vendosur mbrojtje të forta dhe përfundoi me rezultatin 0 me 0.

Në pjesën e dytë vendasit filluan më furishëm duke sulmuar vazhdimisht skuadrën kampione.

Ishte minuta e 50 kur sulmuesi anglez Sturridge rrezikoi portën e Courtois por portieri belg ishte në vendin e duhur duke ia mohuar golin.

Rezultati u zhbllokua në minutën e 65-të kur pas një aksioni jo shumë premtues, Liverpooli kaloi në epërsi.

Golin e shënoi sulmuesin në top formë, Mohamed Salah.

Salah nuk e festoi golin në shenjë respektin për klubin londinez, pasi në kaluarën ishte pjesë e tyre.

Pas këtij goli trajneri italian Conte, reagoi duke e inkuadruar në lojë mesfushorin kreativ spanjoll Cesc Fabregas në vend të Drinkwater në minutën e 74.

Ndërsa në minutën e 83 inkuadroi brazilianin Willian në vend të Zapacosttas.

Ky zëvendësim doli të jetë i qëlluar pasi braziliani Willian shënoi një supergol për ta barazuar rezultatin në 1 me 1. Me këtë rezultat u mbyll takimi.

Liverpooli pas këtij barazimi renditet në pozitën e katërt me 24 pikë ndërsa Chelsea në të tretën me 26 pikë. /arbresh.info/

https://streamable.com/t404q

https://www.youtube.com/watch?v=3WrMCnO6D_U